Një relike e rrallë nga tragjedia e Titanikut pritet të dalë në ankand, duke tërhequr vëmendjen e koleksionistëve në mbarë botën dhe duke arritur vlera marramendëse.
Sipas mediave të huaja, bëhet fjalë për një jelek shpëtimi që i përkiste një të mbijetuareje të anijes legjendare. Artefakti është përdorur nga Laura Mabel Francatelli, një pasagjere e klasit të parë që arriti të shpëtojë gjatë fundosjes së vitit 1912.
Jeleku, i përbërë nga kanavacë dhe i mbushur me copa korku për notim, mban edhe firmat e tetë të mbijetuarve të tjerë nga i njëjti varkë shpëtimi, çka e rrit ndjeshëm vlerën historike dhe emocionale të tij.
Shtëpia e ankandeve Henry Aldridge & Son Ltd pritet ta nxjerrë në shitje më 18 prill, ndërsa ekspertët parashikojnë se çmimi mund të arrijë deri në rreth 500 mijë dollarë, falë rrallësisë së jashtëzakonshme të objektit.
Ky jelek konsiderohet unik, pasi është i vetmi i njohur që i përket një të mbijetuari të Titanikut dhe që del në ankand, duke e bërë një nga objektet më të çmuara të lidhura me këtë tragjedi historike.
Ngjarja e ankandit po ngjall interes global, duke dëshmuar edhe një herë se historia e Titanikut vijon të mbetet ndër më tërheqëset dhe më të kërkuarat për koleksionistët dhe studiuesit e historisë.
