Barnat për humbje peshe të grupit GLP-1, që janë kthyer në një sukses të madh për shëndetin publik dhe kompanitë farmaceutike, po shoqërohen edhe me pasoja të papritura për disa pacientë.
Sipas një raporti të publikuar nga The Wall Street Journal, një pjesë e mbi 13 milionë amerikanëve që përdorin këto medikamente po humbin jo vetëm yndyrë, por edhe masë muskulore, çka mund të çojë në dobësim fizik dhe rritje të brishtësisë së trupit.
Ekspertët thonë se humbja e muskujve nuk diskutohet shpesh dhe mund të mos vihet re menjëherë, megjithëse ndikon në forcën fizike, ekuilibrin dhe shëndetin afatgjatë, sidomos tek të moshuarit.
Mjekët këshillojnë që personat që përdorin barna GLP-1 të kombinojnë trajtimin me ushtrime force dhe konsum të mjaftueshëm proteinash për të ruajtur masën muskulore gjatë rënies në peshë.
Ndërkohë, debati mbi efektet afatgjata të këtyre medikamenteve po zgjerohet, ndërsa gjithnjë e më shumë pacientë po i përdorin ato për dobësim. /skyweb.al
