Kryetari i Grupit Parlamentar të Partisë Socialiste, Taulant Balla, ka komentuar zhvillimet e fundit që lidhen me protestën që prej 11 ditësh po mbahet në Tiranë, si edhe qëndrimet e figurave të ndryshme të kampit socialist për këtë çështje.
I pyetur nga gazetarët për reagimin e ish-ministres Elisa Spiropali, e cila disa ditë më parë bëri thirrje për një “marrëveshje të re për Shqipërinë” dhe shprehu kritika për mënyrën e funksionimit të pushtetit, Balla u tregua i rezervuar.
Ai tha se nuk ndjek postimet e të gjithë deputetëve apo anëtarëve të Partisë Socialiste, ndërsa theksoi se çdo shqetësim duhet të diskutohet fillimisht brenda strukturave të partisë.
“Unë nuk ndjek postimet e gjithë deputetëve, anëtarëve të PS-së. Kushdo që ka një shqetësim, sapo kam filluar një mbledhje grupi, nuk ishte fare. Kur të vijë, le ta thotë aty, do e dëgjoj me vëmendje dhe pasi ta dëgjoj do të vij këtu dhe ta sqaroj edhe me ju. Kam një komunikim shumë të mirë me të gjithë deputetët, përfshirë edhe me kolegen Spiropali”, tha Balla.
Deklarata e tij vjen në një moment kur protesta në kryeqytet vijon prej ditësh dhe kur brenda së majtës kanë nisur të shfaqen edhe tone të ndryshme për mënyrën se si duhet trajtuar situata politike.
Spiropali i bëri tre, tani Rama duhet të vendosë nëse do t’a përjashtojë siç paralajmëroi
