Kryeministri Edi Rama ka reaguar sërish për protestat e ditëve të fundit, duke deklaruar se ato nuk kanë më lidhje me çështjen e Sazanit apo Zvërnecit.
Rama thotë se protestuesit janë të lirë të tubohen paqësisht, por sipas tij kauza fillestare është deformuar dhe protesta po përdoret për të dëmtuar imazhin e Shqipërisë, sezonin turistik dhe klimën e investimeve.
SHENIMI I SKYWEB PAK DITE PASI NISI PROTESTA
“Kjo protestë nuk ka më asnjë lidhje me Sazanin a me Zvërnecin”, shprehet Rama, duke shtuar se dokumentacioni i procesit tregon se qeveria ka vepruar në funksion të interesit publik dhe sipas standardeve ndërkombëtare.
Kreu i qeverisë thotë se bllokimi i rrugëve, përfshirë atë drejt aeroportit, ka cenuar lëvizjen e lirë të qytetarëve dhe ka krijuar një perceptim të gabuar për vendin.
Sipas Ramës, protesta po ushqen imazhin e një Shqipërie “jomikpritëse për investimet e huaja” dhe “të pasigurt për turistët”, ndërsa paralajmëron se anulimet e rezervimeve dhe bllokimet mund të kenë ndikim negativ ekonomik për shumë familje që lidhen me turizmin.
Megjithatë, kryeministri pranon se qeveria do të nxjerrë mësime nga pjesa që ai e quan “e çiltër” e protestës.
“Nëse ka përfitues të vërtetë nga kjo protestë, ata janë vetëm dy: Qeveria Shqiptare, e cila do të nxjerrë patjetër mësimet që i duhen nga pjesa e çiltër e protestës, duke adresuar si duhet shqetësimet legjitime të asaj pjese, dhe Partia Socialiste”, shkruan Rama.
Ai shton se, pasi të shpërndahet “mjegulla”, Partia Socialiste do të dalë më e fortë në skenën politike.
