Byroja Kombëtare e Hetimit kreu dy net më parë një veprim të pazakontë në Durrës, duke arrestuar vetë një person të shpallur në kërkim, pa njoftuar paraprakisht Policinë e Shtetit.
Arrestimi ndodhi pak orë pasi drejtuesi i SPAK, Klodian Braho, paralajmëroi në Kuvend se BKH do të kryente vetë disa arrestime.
I arrestuari është Adi Çobaj, i dyshuar si kreu i një linje trafiku kokaine dhe heroine. Por pesha e ngjarjes nuk qëndron vetëm te emri i tij. Mesazhi kryesor është se BKH tregoi se mund të ekzekutojë vetë urdhra arresti, pa kaluar domosdoshmërisht nga Policia e Shtetit. Ky precedent ka tronditur edhe politikën në Tiranë.
Pyetja që shtrohet tani është nëse BKH mund të përdorë të njëjtën mënyrë veprimi edhe ndaj politikanëve, ish-zyrtarëve apo personave me lidhje të forta, në rast se GJKKO jep masë sigurie.
Ngjarja e Durrësit tregon se ekzekutimi i masave nga GJKKO nuk është më domosdoshmërisht në dorën e Policisë së Shtetit. /skyweb.al
