Kuvendi i kërkon Enti Rregullator të Ujit të nxitë shoqëritë e ujësjellës – kanalizimeve të aplikojnë tarifa në blloqe apo siç njihet ndryshme tarifim me fasha. Këto tarifa nënkuptojnë që çmimi i ujit, vjen duke u rritur nëse konsumon mbi nivelin e përcaktuar të bllokut të parë, një skemë që synon stimulimin e konsumit të ujit me më efikasitet nga klientët.
“Është edhe aplikimi i tarifave në blloqe, që ka qenë angazhim i të gjitha ndërmarrjeve të ujësjellës – kanalizime dhe vetë AKUK-ut të nxitet për të realizuar si një rekomandim për vitin 2026 që ERRU-i të kërkojë një planifikim të dedikuar financiar për investime të strukturuara, sistematike për instalimin e ujëmatësave në prodhim dhe në të njëjtën kohë të inkurajojë shoqëritë e ujësjellës – kanalizimeve për aplikimin e tarifave në bllok”, – tha Anila Denaj, kryetare e komisionit parlamentar për Burimet Natyrore, Infrastrukturën dhe Zhvillimin e Qëndrueshëm.
Në rezolutën për vitin 2026 kërkohet gjithashtu ulje e tarifimit afrofe për konsumatorët.
“Ka aktualisht mënyra matjeje për një pjesë të tyre që nuk kanë matësa, që quhet matje me një sistem dhe metodologji të caktuar e cila duhet të inkurajojë që përgjatë gjithë investimeve të reja që po ndodhin në ujësjellës – kanalizime të ulet dhe përqindja e atyre që janë matje jo me matësa, pra matjet aforfe, në mënyrë që të kemi zero në të ardhmen mundësi për matje aforfe”, – tha Denaj.
Gjatë diskutimeve përpara miratimit të Rezolutës në Komision parlamentar për Burimet Natyrore, Infrastrukturën dhe Zhvillimin e Qëndrueshëm, u vu theksi edhe te monitorimi i performancës së ujësjellësave në drejtim të punësimeve. Po ashtu, komisioni kërkoi që brenda muajit Tetor, t’i vihet në dispozicion raporti përkatës, që ndryshe nga vitet e kaluar ka një shtyrje me 6 muaj. /Scan.tv
