Ish-ministrja e Jashtme, Elisa Spiropali, tha dje se maxhoranca duhet të reflektojë dhe të dëgjojë më shumë, teksa po hynte në seancën plenare.
Deklarata u bë në momentin kur gazetarët e pyetën se për çfarë lloj zgjidhjeje e kishte fjalën.
Intervista e Spiropalit mori vëmendje në media, nisur edhe nga fakti se qëndrimet e saj janë parë si një distancim publik nga kryeministri Edi Rama, të cilin e ka sfiduar disa herë me deklarata të drejtpërdrejta.
Ndërkohë, gjatë ditës së sotme, në celularët deputetëve socialistë, por edhe në disa media online, po qarkullon një imazh i Spiropalit teksa konsumon kafe pranë Parlamentit me një person tjetër.
Nga verifikimet paraprake, bazuar te veshja, duket se takimi është zhvilluar gjatë ditës së djeshme, pasi Spiropali shfaqet me të njëjtën veshje.
Kuriozitet mes socialistëve ka ngjallur edhe personi që ndodhet përballë saj dhe tema për të cilën Spiropali mund të jetë këshilluar me të, e cila mund të jetë dhe protesta.
Burime mediatike bëjnë me dije se personazhi në fjalë është Indrit Aliu , i cili rezulton i arrestuar dhe dënuar disa herë për mashtrim në shumë të mëdha. Nuk dihet se çfarë e lidh Spiropalin me Indrit Aliun (Kolleshi), por sigurisht konsumimi i një kafeje nga një politikane e lartë në PS me një personazh si Aliu nuk mund të kalonte pa tërhequr vëmendje.
Për momentin nuk ka një reagim publik nga Spiropali lidhur me foton apo takimin në fjalë. /skyweb.al
