Qeveria shqiptare ka vendosur të financojë pjesërisht me fond publik organizimin e koncertit të artistit ndërkombëtar Kanye West, i cili pritet të zhvillohet në Tiranë më 11 korrik 2026.
Vendimi është marrë përmes një akti normativ, me hyrje të menjëhershme në fuqi, duke përdorur fondin rezervë të buxhetit të shtetit.
Sipas aktit normativ nr. 3, datë 6 korrik 2026, Këshilli i Ministrave ka miratuar financimin në masën 400 milionë lekë për organizimin dhe mbarëvajtjen e aktivitetit kulturor-turistik.
Me kursin aktual prej 93.89 lekësh për euro, kjo shumë përkthehet në rreth 4.26 milionë euro.
Në dokument thuhet se aktiviteti ka përmasa ndërkombëtare dhe se financimi lidhet me promovimin e turizmit dhe imazhit të Republikës së Shqipërisë.
Shuma do të pakësohet nga fondi rezervë i buxhetit të shtetit dhe do t’i shtohet Ministrisë së Turizmit, Kulturës dhe Sportit, në zërin “Transferta të brendshme”, te programi “Zhvillimi i turizmit”.
Ministria autorizohet gjithashtu të nënshkruajë marrëveshjen me kompaninë organizatore të eventit, me qëllim disbursimin e fondit të parashikuar. /skyweb.al
