Ditëve me temperatura ekstreme duket se po u vjen fundi, megjithëse i nxehti pritet të vazhdojë edhe për dy ose tre ditë me vlera të ngjashme.
Meteorologia Tanja Porja tha në A2 CNN se vala aktuale është më intensivia e kësaj vere dhe pritet të shënojë edhe kulmin e temperaturave të larta.
Sipas saj, pas kësaj periudhe pritet një rënie graduale e temperaturave, fillimisht e lehtë dhe më pas më e ndjeshme pas mesjavës së ardhshme.
Pas datave 12-13 gusht, termometri pritet të zbresë në rreth 36-37 gradë Celsius, ndërsa në pjesën e dytë të muajit pritet një ndryshim më i dukshëm i tablosë termike.
Porja theksoi se kjo verë ka qenë jashtëzakonisht e nxehtë, me temperatura që që prej fillimit të qershorit kanë qëndruar shpesh në 35 gradë Celsius dhe mbi këtë nivel.
Sipas meteorologes, viti 2026 po jep sinjale se mund të renditet ndër më të nxehtët në historinë e matjeve.
Megjithatë, për të përcaktuar nëse kjo do të jetë vera më e nxehtë ndonjëherë, duhet pritur deri në përfundim të muajit gusht dhe analizimi i të gjitha të dhënave.
