Agjencia Shtetërore e Kadastrës ka publikuar disa udhëzime për qytetarët që aplikojnë për shërbime kadastrale nëpërmjet portalit e-Albania.
Përpara aplikimit, qytetari duhet të provojë lidhjen ligjore me pasurinë, duke qenë pronar, bashkëpronar ose përfaqësues i pajisur me prokurë.
ASHK këshillon që shërbimi të përzgjidhet vetëm pasi të jetë lexuar me kujdes emërtimi dhe përshkrimi i tij. Aplikuesit duhet të informohen paraprakisht për procedurën dhe të përgatisin dokumentacionin e kërkuar në formatin PDF.
Pas përfundimit të aplikimit gjenerohen fleta e kërkesës dhe fatura për pagesën e shërbimit. Pagesa mund të kryhet online, pranë Postës Shqiptare ose në çdo bankë të nivelit të dytë.
Dokumenti përfundimtar ose përgjigjja e Kadastrës do të vendoset në seksionin “Dokumentet e mia” në profilin e aplikuesit në portalin e-Albania.
