Një incident i pazakontë ndodhi gjatë shfaqjes ajrore “Aire 25” në Spanjë muajin e kaluar, kur një tufë zogjsh u përplasën me një avion luftarak të tipit Eurofighter Typhoon të Forcave Ajrore Spanjolle.
Momenti dramatik është kapur nga fotografi Javier Alonso de Medina Salguero, i cili e publikoi setin e fotografive vetëm së fundmi, duke tërhequr vëmendjen e mediave dhe të pasionuarve pas aviacionit.
Përplasjet me shpendë përbëjnë një rrezik serioz për sigurinë e fluturimit, veçanërisht për avionët luftarakë që kryejnë manovra të shpejta dhe të ulëta pranë turmave të spektatorëve. Eurofighter Typhoon është një nga avionët më të avancuar të NATO-s dhe pjesë kyçe e mbrojtjes ajrore të Spanjës.
Deri më tani nuk raportohet për dëme serioze në avion apo rrezik për pilotin, por ngjarja rikthen në vëmendje rëndësinë e kontrollit të faunës ajrore në zonat pranë aerodromeve dhe gjatë shfaqjeve publike./skyweb.al
