Fermerët kanë përfituar 12.2 milionë euro kompensim përmes skemës së autofaturës, e cila parashikon kompensimin në masën 10% të furnizimeve bujqësore.
Sipas të dhënave të publikuara nga Drejtoria e Përgjithshme e Tatimeve, deri në fund të shtatorit janë regjistruar 5,312 aplikime për përfitimin nga kjo skemë.
Administrata Tatimore u bën thirrje fermerëve që nuk kanë aplikuar të dorëzojnë kërkesën përmes platformës elektronike e-Filing. Afati përfundimtar është 31 dhjetori 2026.
Kjo thirrje për aplikim lidhet me kompensimin e furnizimeve të kryera gjatë periudhës janar–qershor 2026.
Skema synon të lehtësojë barrën fiskale të fermerëve dhe të mbështesë aktivitetin e tyre bujqësor, duke u mundësuar përfitimin e kompensimit për furnizimet e dokumentuara përmes autofaturës.
