Në fund të ditës, shumë njerëz ndjejnë këmbët të fryra, të lodhura dhe të rënda, sidomos kur kalojnë orë të gjata ulur para kompjuterit. Kjo ndodh sepse mungesa e lëvizjes ngadalëson qarkullimin e gjakut dhe lëngjet grumbullohen në këmbë.
Për të përmirësuar qarkullimin, mjaftojnë disa lëvizje të thjeshta edhe gjatë kohës që je ulur. Ngritja e thembrave dhe e majave të këmbëve disa herë çdo orë ndihmon muskujt të shtyjnë gjakun lart dhe të ulin fryrjen.
Po ashtu, shmangia e kryqëzimit të këmbëve dhe kufizimi i kripës në ushqim mund të ndihmojnë në reduktimin e mbajtjes së lëngjeve.
Në mbrëmje, këmbët mund të çlodhen duke i ngritur për disa minuta mbi nivelin e trupit ose duke bërë një dush me ujë të freskët, i cili ndihmon në lehtësimin e ndjesisë së rëndesës dhe lodhjes. /skyweb.al
