Ndryshimet klimatike dhe rritja e temperaturave mund të përkeqësojnë shëndetin e trurit, duke rritur rrezikun për goditje në tru, çrregullime të gjumit dhe sëmundje neurologjike, si demenca dhe Parkinsoni.
Neurologu Ulf Kallweit paralajmëron se temperaturat mbi 30°C lidhen me rritjen e rasteve të goditjeve në tru, ndërsa netët e nxehta mund të dëmtojnë cilësinë e gjumit dhe të ndikojnë në shëndetin afatgjatë.
Ngrohja globale mund të zgjerojë gjithashtu përhapjen e sëmundjeve infektive të transmetuara nga rriqrat dhe mushkonjat, disa prej të cilave prekin sistemin nervor.
Më të rrezikuarit janë fëmijët, të moshuarit, gratë shtatzëna dhe personat me probleme shëndetësore ekzistuese. Ekspertët theksojnë se ulja e ndotjes, mbrojtja nga temperaturat ekstreme dhe përmirësimi i kushteve të jetesës janë masa thelbësore për të kufizuar këto rreziqe. /skyweb.al
