Brenda pak javësh, në Aeroportin ende në ndërtim të Vlorës, do të ulet aeroplani i parë.
Një gjë të tillë e ka bërë me dije gazetari nga Kosova, Berat Buzhala, i cili ka thënë se “burimet” i kërkuan që këtë lajm “të mos e bëjë të madh”.
Kujtojmë se Aeroporti i Vlorës pritet të hapet zyrtarisht në muajin tetor. Ai ka një pistë prej 3.2 kilometra të gjatë që mundëson fluturime ndërkontinentale për të ulur avionë të mëdhenj të tipit, Boeing 767; 777 apo edhe 747, si edhe Airbus A330; A340 apo A350.
ADVERTISEMENT
Së fundmi, Aeroporti i Mynihut u tërhoq nga mbështetja për këtë aeroport, pas protestave nga ambientalistët që shprehen se aeroporti i ndërtuar në Akërni, në zonën e mbrojtur të Lagunës së Nartës do të shkatërrojë biodiversitetin e zonës. /skyweb.al
