Janë zbardhur detaje të reja nga operacioni i zhvilluar pasditen e kësaj të hëne në Elbasan, ku policia ka goditur një grup kriminal me ndikim në zonë duke shëqëruar pronarin e Delta Group Bujar Muça në ambientet e komisariatit.
Sipas burimeve nga vendngjarja, disa persona janë shoqëruar nga forcat e rendit, mes tyre edhe biznesmeni Bujar Muça, themelues dhe pronar i kompanisë “Delta Group”, i cili aktualisht po merret në pyetje nga policia.
Bashkë me sipërmarrësin janë ndaluar edhe disa persona të tjerë, ndërsa gjatë operacionit janë sekuestruar armë zjarri dhe prova të tjera materiale.
Operacioni është zhvilluar rreth orës 15:30 në një prej lokaleve të njohura përgjatë aksit rrugor Elbasan – Ish-Metalurgjia, në fshatin Katund i Ri, dhe është finalizuar me arrestimin e të paktën dy personave të njohur si pjesë e botës së krimit.
Forcat e policisë e kanë cilësuar këtë si një nga operacionet më të rëndësishme të muajve të fundit në Elbasan, një qytet që prej vitesh përballet me prani të lartë të grupeve kriminale dhe aktivitet të shtuar në fushën e krimeve të rënda.
Statusi investitor strategjik per grupin Delta
Paralelisht kompania ka marrë lejen për ndërtimin e një kulle prej 100 katesh në qendër të Tiranës, pas Sheshit Skënderbej.
Në 2017 Bujar Muça u zgjodh dputet nën logon e PDIU. Ai e mbajti mandatin vetëm 2 muaj, duke dhënë më pas dorëheqje. Prej këtij momenti Muça nuk është angazhuar më në jetën politike.
