Presidenti i Republikës, Bajram Begaj përshëndeti firmosjen e Marrëveshjes së Paqes për Gazën, e nënshkruar sot në Egjipt, duke e cilësuar atë si një zhvillim historik për paqen dhe njerëzimin.
Në një postim në rrjetin social X, Kreu i Shtetit thekson se marrëveshja, e iniciuar dhe mbështetur nga Presidenti Trump, është dëshmi se diplomacia dhe dialogu mund të bëjnë të mundur edhe ato që duken të pamundura.
“Firmosja e Marrëveshjes së Paqes për Gazën, sot në Egjipt, e iniciuar, mbështetur dhe bërë realitet nga Presidenti Trump, është një moment historik për paqen dhe njerëzimin. Kjo marrëveshje shënon një pikë kthese, duke dëshmuar se diplomacia, dialogu dhe vizioni mund ta bëjnë të pamundurën realitet.
Shqipëria qëndron krah të gjitha kombeve që kontribuojnë për paqe të qëndrueshme në Lindjen e Mesme, në këtë moment kaq të rëndësishëm”, – shkruan Presidenti Begaj.
