Prokuroria e Posaçme kundër Korrupsionit dhe Krimit të Organizuar ka regjistruar zëvendëskryeministren Belinda Balluku si person nën hetim për akuzën e shkeljes së barazisë në tendera.
Hetimi lidhet me procedura prokurimi të zhvilluara në institucionet nën varësinë e Ministrisë së Infrastrukturës dhe Energjisë.
Sipas BW, numri dy i qeverisë “Rama 4” është thirrur të paraqitet në Prokurorinë e Posaçme ditën e hënë, në bazë të një shkrese zyrtare të firmosur nga prokurori Dritan Prençi.
Të njëjtat burime bëjnë me dije se fletëthirrja i është dorëzuar znj. Balluku në ambientet e ministrisë, ku ajo ushtron detyrën prej disa vitesh.
Çështja ndodhet aktualisht në fazën paraprake të hetimeve, ndërsa burime brenda institucioneve ligjzbatuese konfirmojnë se verifikimet lidhen me tendera dhe kontrata publike, për të cilat dyshohet se mund të jetë cenuar parimi i konkurrencës së ndershme./skyweb
