GJKKO ka lënë në fuqi masat e sigurisë për Belinda Ballukun. Pezullimi i saj nga funksionet do të mbetet në fuqi dhe po ashtu për dy vartësit e saj, Gentian Gjylin dhe Erald Elezin, të cilët do të vijojnë të jenë “në arrest shtëpie”.
Balluku ka dalë e para nga ambientet e gjykatës ku nuk ka dhënë asnjë deklaratë për mediat dhe më pas dolën dhe 2 vartësit e saj.
Vendimi I GJKKO lidhet me hetimin që SPAK po zhvillon për ndërtimin e tunelit të Llogarasë, çështje për të cilën më 31 tetor Balluku u mor e pandehur për akuzën “shkelje të barazisë në tendera”.
Belinda Balluku drejton Ministrinë e Infrastrukturës dhe Energjisë që nga janari i vitit 2019, ndërsa në vitin 2022 u emërua zëvendëskryeministre e vendit. /skyweb.al
