Aeroporti Ndërkombëtar i Tiranës ka regjistruar edhe një muaj me mbi një milion pasagjerë. Gjatë tetorit 2025, nëpër terminalin e TIA-s udhëtuan 1,048,706 pasagjerë, duke konfirmuar trendin e rritjes së vazhdueshme të trafikut ajror.
Me një rrjet prej 83 destinacionesh, 27 linjash ajrore dhe lidhje me 25 shtete, aeroporti mbetet pika kryesore e hyrje-daljeve ajrore për shqiptarët dhe vizitorët që zgjedhin të fluturojnë nga Tirana.
Shifrat e tetorit konfirmojnë konsolidimin e TIA-s si një nga aeroportet me rritjen më të shpejtë në rajon, falë kërkesës së lartë për udhëtime dhe zgjerimit të vazhdueshëm të rrjetit ajror. /skywrb.al
