Fushata e shumëpërfolur e Turkish Airlines “Route: 6 Continents”, e cila premtonte një milion milje bonus për çdo anëtar të programit të besnikërisë që udhëtonte në gjashtë kontinente me këtë kompani, është mbyllur papritur pas vetëm 12 ditësh. Ajo që duhej të zgjaste deri në fund të tetorit, përfundoi më 8 korrik, për shkak të interesit të jashtëzakonshëm.
Fushata nisi më 27 qershor dhe u mbyll pa paralajmërim më 8 korrik. Vetëm udhëtarët që kanë blerë biletat e kërkuara përpara kësaj date dhe përfundojnë itinerarin me gjashtë ndalesa deri më 27 tetor do të përfitojnë shpërblimin prej 1 milion miljesh.
Rregullat ishin të qarta: çdo fluturim duhej të bëhej me avionë të Turkish Airlines, pa përdorur bileta shpërblyese, marrëveshje bashkëpunimi (codeshare) apo linja partnere. Itinerari duhej të fillonte në ose të kalonte nga Turqia dhe ndalesat në tranzit nuk llogariteshin.
Kjo ishte një manovër ambicioze marketingu nga një prej linjave ajrore më të lidhura në botë, e cila mban rekordin për fluturimet drejt më shumë vendeve në glob.
Por, mesa duket, Turkish Airlines nuk kishte parashikuar këtë nivel shitjedh.
Për ata që nuk ia dolën të regjistrohen në kohë? Është shumë vonë, “milionat” janë marrë tashmë./skyweb.al
