Ambasada e Shteteve të Bashkuara në Shqipëri ka njoftuar se nga data 2 shtator 2025 do të hyjnë në fuqi ndryshime të rëndësishme në procedurat për marrjen dhe rinovimin e vizave.
Sipas njoftimit zyrtar, vetëm vizat e tipit B1/B2 që janë ende të vlefshme ose që kanë skaduar prej më pak se 12 muajsh do të mund të rinovohen me postë. Për të gjitha llojet e tjera të vizave, si dhe për vizat B1/B2 që nuk plotësojnë këto kushte, do të kërkohet zhvillimi i një interviste në ambasadë, me përjashtim të disa rasteve të udhëtimeve zyrtare qeveritare.
View this post on Instagram
Ambasada u bën thirrje të gjithë aplikuesve për vizë që të kontrollojnë faqet al.usembassy.gov dhe travel.state.gov për informacion të detajuar mbi kërkesat, procedurat e aplikimit dhe statusin e shërbimeve konsullore.
“Duke filluar nga 2 shtatori 2025, vetëm vizat B1/B2 që janë ende të vlefshme ose që kanë më pak se 12 muaj që kanë skaduar mund të rinovohen me postë. Për të gjitha llojet e tjera të vizave, përveç disa rasteve të udhëtimeve qeveritare, do të kërkohet një intervistë,” – thuhet në njoftimin e ambasadës.
Ky ndryshim synon të rrisë efikasitetin e procesit dhe të sigurojë përputhjen me standardet e përditësuara të sigurisë dhe verifikimit. /skyweb.al
