Pop Mart është shndërruar në një nga kompanitë më të vlefshme të lodrave në botë, duke kaluar madje gjigantët e industrisë si Hasbro dhe Mattel.
Sipas Financial Times, suksesi i jashtëzakonshëm lidhet me ethet globale për figurën “Labubu”, i cili është kthyer në simbol statusi dhe objekt interesi të lartë për koleksionistët.
Fenomeni është përqafuar nga yje si Rihanna dhe David Beckham, gjë që ka nxitur edhe më tej popullaritetin e brandit në rrjetet sociale dhe ankandet luksoze.
Vetëm në gjashtëmujorin e parë të vitit 2025, Pop Mart raportoi një trefishim të të ardhurave krahasuar me të njëjtën periudhë të një viti më parë, duke e shtyrë kapitalizimin e tregut të kompanisë përtej 13 miliardë dollarëve.
Një tjetër shenjë e çmendurisë globale ka të bëjë me faktin se lodra “Labubu” u fotografua e varur në një çantë Hermès të një ofertuesi në ankandin prestigjioz të Yongle International Auction në Pekin, një përzierje e pazakontë mes kulturës pop dhe luksit klasik./skyweb.al
