Një sulm kibernetik ka prekur aeroporte të rëndësishme në Europë, duke shkaktuar vonesa të dhe anulime të fluturimeve. Sipas informacioneve të raportuara nga autoritetet dhe kompani të ndryshme ajrore, aeroporte si në Londër, Brukseli dhe Berlini janë të goditura nga ky sulm që ka ndikuar drejtpërdrejt në funksionimin e tyre.
Në Londër, aeroporti i Gatwick ka raportuar një numër të madh vonesash dhe anulimesh, duke krijuar kaos në fluturimet ndërkombëtare dhe ato të brendshme. Në Bruksel, Aeroporti Ndërkombëtar i Brukselit ka hasur gjithashtu vështirësi me sistemet e kontrollit të fluturimeve, ndërsa në Berlin, vonesat janë regjistruar në disa fluturime të mëdha europiane.
Sipas ekspertëve të sigurisë kibernetike, ky sulm mund të ketë si qëllim destabilizimin e infrastrukturave kyçe të transportit ajror dhe mund të ketë pasojë një ndikim të madh në operacionet e aeroportit, si dhe në udhëtimet e pasagjerëve. Ende nuk ka një deklaratë të plotë nga autoritetet që të konfirmojnë sasinë e të dhënave të vjedhura apo qëllimin e plotë të sulmit.
Autoritetet janë angazhuar në një hetim të plotë për të zbuluar burimin e sulmit dhe për të parandaluar që ndodhitë e tilla të përsëriten në të ardhmen. /Skyweb.al
