Partia Demokratike mbështet Florjan Binajn si kandidat për bashkinë e Tiranbës. Emri u njoftua nga kreu i PD, Sali Berisha në një konferencë për shtyp nga selia blu.
“Jam sot këtu për t’u informuar ju dhe qytetarët e Tiranës, dhe mbarë Shqipërisë, se midis kandidaturave shumë të mira që kanë ardhur direkt nga drejtues dhe personalitete të PD, tashmë të bëra publike, për të cilat unë kam vlerësimin më të madh, kandidaturave realisht të personaliteteve të pavarura nga fusha të ndryshme, nga Shqipëria dhe nga diaspora, PD duke falënderuar me mirënjohje secilin prej atyre që vendosi të paraqesë kandidaturën e tij në shërbim të qytetarëve të Tiranës dhe përballjen me të keqen e këtij vendi, që është Edi Rama, informon se grupi i mandatuar nga PD do u paraqesë aleatëve tanë mendimin dhe sugjerimin që të mbështesim së bashku artistin e mirënjohur, personalitetin e shquar të artit, luftëtarin e paepur të kauzave të qytetarëve shqiptarë, komunikatorin e talentuar, e lindur, zotin Florjan Binaj”, deklaroi Berisha.
Megjithatë siç e tha edhe kryedemokrati, pritet miratimi nga partitë e tjera opozitare për këtë emër, në mënyrë që opozita të dalë e unifikuar në zgjedhjet e pjesshme për kryeqytetin. /Skyweb.al
