Një lokal lagjeje shpallet bari më i mirë  në botë

Në një ceremoni të mbajtur në Hong Kong, organizata World’s 50 Best Bars ka shpallur fituesin e këtij viti. Bëhet fjalë për Bar Leone, një lokal italian në zemër të lagjes Sheung Wan të Hong Kongut. Kjo është hera e parë që një bar në Azi zë vendin e parë në këtë renditje globale.

Bar Leone drejtohet nga italiani Lorenzo Antinori, i cili e përshkruan ambientin si “dhoma e ndenjjes së gjyshes sime”. Ai tha se qëllimi ishte të krijonin një atmosferë të ngrohtë dhe komode, larg spektaklit të panevojshëm. “Jetojmë në kohë kur njerëzit kërkojnë rehati,” tha ai. “Ajo që shihni në menu është pikërisht ajo që do të merrni.”

Në vendin e dytë u rendit Handshake Speakeasy nga Mexico City, fituesi i vitit të kaluar, ndërsa podiumin e plotë e mbylli Sips nga Barcelona.

Lista e 50 barëve më të mirë në botë për vitin 2025 u prezantua më 8 tetor, ndërsa më herët, më 24 shtator, u publikua edhe lista nga vendi i 51-të deri në të 100-in. Disa nga hyrjet e reja përfshijnë: Schmuck nga Neë Yorku (“cool pa mundim”), Exímia nga São Paulo (“shije e Brazilit në gotë”) dhe Vender nga Taichung, Tajvan (“e fshehur brenda një makine shitëse”).

Krahas renditjes kryesore, organizata jep edhe çmime për praktikat më të qëndrueshme dhe barmenët më të spikatur. Ëorld’s 50 Best nisi si një listë për restorante në vitin 2002 dhe më pas u zgjerua për të përfshirë edhe baret dhe hotelet më të mira në botë.

Lista e bareve më të mira në botë:

/Skyweb.al