NASA ka ndarë së fundmi pamje impresionuese nga hapësira të satelitëve Starlink në orbitën e Tokës. Astronauti amerikan Don Pettit, pas një misioni 208-ditor në Stacionin Ndërkombëtar të Hapësirës (ISS), publikoi imazhe ku shihen qartë “karvanë” të tërë satelitësh që lëvizin në vijë të drejtë mbi horizontin e Tokës.
Kjo dukuri lidhet me rritjen masive të numrit të satelitëve të lëshuar nga kompania SpaceX e Elon Musk. Aktualisht, janë mbi 8,000 satelitë Starlink aktivë që rrotullohen rreth Tokës, dhe numri pritet të rritet ndjeshëm në vitet në vijim, pasi Musk ka në plan të krijojë një “megakonstelacion” me deri në 42,000 satelitë. Qëllimi është të sigurohet internet me shpejtësi të lartë në çdo cep të globit.
Megjithatë, ky zhvillim nuk po pritet me entuziazëm nga të gjithë. Astronomët dhe shkencëtarët kanë ngritur shqetësime serioze për ndikimin e satelitëve në vëzhgimin e universit. Reflektimi i dritës nga trupat satelitorë po ndikon në saktësinë e të dhënave që mblidhen nga teleskopët tokësorë, duke errësuar pamjet e objekteve të largëta në hapësirë.
Astrofizikani Jonathan McDoëell paralajmëron gjithashtu për pasojat që lidhen me “mbipopullimin” e orbitës së ulët të Tokës. Ai thotë se çdo ditë, rreth një deri në dy satelitë të Starlink bien nga orbita për shkak të amortizimit, një proces që mund të çojë në rreziqe të mundshme për satelitë të tjerë apo misione hapësinore. /Skyweb.al
