Sipas rezultateve të fundit të një studimi amerikan, vaksina ARNi kundër COVID‑19 duket se përmirëson ndjeshëm përgjigjen ndaj imunoterapisë për pacientët me disa tipe tumori.
Nga të dhënat rezulton se tek pacientët me kancer të mushkërive dhe melanomë i cili morën vetëm imunoterapi, përqindja e mbijetesës pas tre vjetësh ishte rreth 30%. Ndërsa nëse kishin marrë edhe vaksinën kundër Covid-19, përqindja kalonte mbi 55 %.
Sipas studiuesve, vaksinimi me ARNi stimulon sistemin imunitar në mënyrë që të krijojë më shumë “qeliza luftëtare” (qelizat T) që njohin dhe sulmojnë qelizat tumorale.
Gjithashtu, tumoret që përndryshe janë rezistente ndaj trajtimit, në prani të vaksinës shfaqin molekula të caktuara në sipërfaqen e tyre (p.sh. PDL1) që i bëjnë më të ndjeshme ndaj imunoterapisë.
Ekspertët theksojnë se megjithëse kjo qasje është premtuese, ajo vlen ende për disa lloje të caktuara të kancerit dhe kërkimet duhet të vazhdojnë. /Skyweb.al
