Ngjarja dyshohet se ka ndodhur në orët e mbrëmjes së të dielës.
Sipas deklarimit të bërë nga Meksi në polici, tre persona të maskuar që mbanin armë dhe shkopinj bejsbolli janë shfaqur pranë ambienteve të televizionit, duke lëvizur me një automjet tip Audi me ngjyrë të bardhë.
Pas kallëzimit, policia ka nisur verifikimet për identifikimin e autorëve.
Hetuesit kanë sekuestruar kamerat e sigurisë të disa bizneseve përreth, si edhe kamerat e vetë televizionit për të rindërtuar lëvizjet e personave të dyshuar.
Nga këqyrja paraprake e pamjeve të kamerave është konstatuar se automjeti është larguar me shpejtësi nga zona, duke u drejtuar në drejtim të Saukut.
Policia vijon hetimet për të identifikuar dhe kapur personat e përfshirë në këtë ngjarje. /skyweb.al
