Bizneset në të gjithë vendin po kërkojnë afërsisht 60 mijë punëtorë në sektorë të ndryshëm, sipas njoftimeve të publikuara në Portalin Kombëtar të Punësimit.
Vendet e lira përfshijnë pozicione në fusha si prodhimi, shërbimet, tregtia, turizmi, teknologjia e informacionit, bujqësia dhe administrata publike.
Ato janë të hapura për të gjitha nivelet arsimore, nga punëtorët e kualifikuar deri te specialistët dhe drejtuesit menaxherialë.
Aplikimet bëhen përmes portalit zyrtar www.puna.gov.al, ku çdo individ mund të krijojë profilin e tij dhe të aplikojë për vendet që i përshtaten më mirë.
Për ata që kanë nevojë për ndihmë gjatë procesit, mbështetje ofrohet në zyrat më të afërta të punësimit ose përmes kontaktit me Agjencinë Kombëtare të Punësimit dhe Aftësive.
Sipas të dhënave të INSTAT, shkalla e papunësisë në tremujorin e dytë të vitit 2025 ishte 8.5%, që përkon me rreth 110 mijë individë të paregjistruar në sistemin e taksave të punësimit.
