Çmimi i Bitcoin pësoi një rënie të papritur, duke zbritur deri në rreth 97 mijë dollarë, nivel që nuk ishte parë që nga muaji maj. Brenda ditës, humbja arriti mbi 6 për qind, duke ndikuar ndjeshëm edhe në tregun e përgjithshëm të kriptomonedhave. Kapitalizimi global i këtij tregu u tkurr ndjeshëm, ndërsa vlera e Bitcoin-it ra në afër 1.94 trilionë dollarë.
Edhe Ethereum u godit nga luhatjet, duke shënuar një rënie prej rreth 9 për qind dhe duke u tërhequr në zonën e 3.2 mijë dollarëve.
Kjo situatë lidhet kryesisht me pasiguritë në ekonominë amerikane, ku mungesa e të dhënave të rëndësishme për punësimin dhe inflacionin ka shtuar pasigurinë në tregje. Ndërkohë, pritjet për një ulje të normave të interesit nga Rezerva Federale në dhjetor janë zbehur, çka ka ndikuar negativisht në asetet më spekulative, përfshirë kriptovalutat.
Në përgjithësi, tregu i kriptomonedhave po kalon një periudhë të ndjeshme luhatjesh, ku asetet kryesore reagojnë shpejt ndaj çdo pasigurie ekonomike. /Skyweb.al
