Këshilli i Lartë i Prokurorisë ka zgjedhur Joni Ketën në krye të Byrosë Kombëtare të Hetimit (BKH). Ai do të drejtojë institucionin për një mandat pesëvjeçar, pa të drejtë rikandidimi. Keta u zgjodh me 11 vota pro dhe asnjë kundër.
Vendimi vjen pas procesit të vlerësimit të kandidatëve nga SPAK, ku Joni Keta u konsiderua më i përshtatshmi për të udhëhequr BKH-në.
Në mbledhjen ku u mor vendimi i KLP-së morën pjesë edhe përfaqësues të Ambasadës Amerikane dhe Bashkimit Europian, që ndoqën nga afër votimin final.
BKH ka qenë pa drejtues që nga 31 gushti, pas përfundimit të mandatit të Aida Hajnajt, dhe vakanca u zgjat për shkak të vonesave në verifikimin e kandidatëve.
