Ambasada amerikane ka uruar zgjedhjen e Klodian Brahos në krye të Prokurorisë së Posacme. Fillimisht ambasada shpreh përgëzimet për Altin Dumanin, i cili drejtoi SPAK për tre vjet.
“Shtetet e Bashkuara përgëzojnë Altin Dumanin për shërbimin e tij të pashembullt si Kryeprokuror i SPAK. Integriteti dhe guximi i tij në mbajtjen e kriminelëve përgjegjës kanë forcuar bashkëpunimin mes Shteteve të Bashkuara dhe Shqipërisë, duke na bërë më të sigurt nga kërcënimi i krimit ndërkombëtar dhe trafikut të drogës.
Ne presim me kënaqësi të vazhdojmë partneritetin tonë të fortë me Kryeprokurorin e ri të Posaçëm, Klodian Braho, në rolin e tij të ri në krye të SPAK”-thuhet në njoftimin e ambasadës amerikane. /skyweb.al
