Dollari amerikan e ka nisur javën në rënie, pasi krahasuar me javën e kaluar ka humbur pikë gjatë fundjavës. Sipas kursit të këmbimit lokal, këtë mëngjes dollari është blerë me 81.7 lekë dhe është shitur me 82.7 lekë.
Edhe monedha europiane ka shfaqur një fillim jave negativ, duke regjistruar një rënie të lehtë të kuotës këtë të hënë në raport me javën që lamë pas. Euro është blerë sot me 96.1 lekë dhe është shitur me 96.8 lekë.
Franga zvicerane nuk ka shënuar lëvizje të konsiderueshme gjatë fundjavës, duke e nisur javën në nivele të qëndrueshme. Këtë mëngjes ajo është blerë me 102.5 lekë dhe është shitur me 103.6 lekë, në nivele të ngjashme me ato të javës së kaluar.
Ndërkohë, paundi britanik ka qëndruar relativisht konstant në këtë fillim jave, pa luhatje të ndjeshme të vlerës. Në tregun e brendshëm valutor, paundi është blerë sot me 109 lekë dhe është shitur me 110.2 lekë.
