Dollari amerikan nuk ka shënuar ndryshime të ndjeshme në vlerë krahasuar me ditën e djeshme, duke e mbyllur javën në nivele relativisht të qëndrueshme. Në tregun vendas, monedha amerikane është blerë sot me 82.7 lekë dhe është shitur me 83.7 lekë.
Edhe euro ka ruajtur stabilitetin e saj gjatë mëngjesit të sotëm, pa lëvizje të konsiderueshme nga dita e mëparshme. Monedha europiane është këmbyer me 96.2 lekë në blerje dhe 96.9 lekë në shitje.
Sipas kursit të këmbimit lokal, franga zvicerane gjithashtu nuk ka pësuar luhatje që prej ditës së enjte, duke u blerë sot me 102.9 lekë dhe u shitur me 104 lekë, duke e mbyllur javën në kuota të qëndrueshme.
Ndërkohë, paundi britanik ka mbetur në të njëjtat nivele si një ditë më parë, duke u blerë këtë mëngjes me 110.6 lekë dhe u shitur me 111.6 lekë në tregun e brendshëm valutor, çka reflekton një javë pa ndryshime të ndjeshme në kurs. /skyweb.al
