Qeveria ka miratuar dy kandidaturat e saj për anëtarë të Këshillit Mbikëqyrës të Banka e Shqipërisë, të cilat pritet të votohen në Kuvendi i Republikës së Shqipërisë.
Në listën e propozuar janë ish ministri i Financave Ervin Mete dhe znj. Jonida Prifti.
Me këtë propozim, në Këshillin Mbikëqyrës do të shtohet një tjetër ish ministër i Financave. Mete do t’i bashkohet homologëve të tij Anastas Angjeli dhe Ritvan Bode, të cilët janë aktualisht pjesë e këtij organi. Ndërkohë, një tjetër ish ministër i Financave, Arben Malaj, ka qenë më herët anëtar i Bordit, por është shkarkuar nga kjo detyrë.
Aktualisht, Këshilli Mbikëqyrës i Bankës së Shqipërisë pritet të plotësohet me anëtarë të rinj, ku tre prej tyre propozohen nga Kuvendi dhe tre nga Qeveria.
Mungesa e plotësimit të këtij organi ka ndikuar edhe në funksionimin institucional, pasi këtë javë Banka e Shqipërisë njoftoi shtyrjen e vendimmarrjes për politikën monetare, pikërisht për shkak se Këshilli Mbikëqyrës nuk është i plotë.
Vendimi i Këshillit të Ministrave, i marrë në mbështetje të Kushtetutës dhe ligjit “Për Bankën e Shqipërisë”, parashikon zyrtarisht propozimin në Kuvend të dy emrave, Jonida Prifti dhe Ervin Mete.
Vendimi hyn në fuqi menjëherë dhe botohet në Fletoren Zyrtare./skyweb.al
