Pas një seance maratonë të zhvilluar gjatë ditës së sotme, Kuvendi ka miratuar rizgjedhjen e kryetarit të Komisionit të Autoritetit të Konkurrencës.
Me 73 vota pro, deputetët kanë votuar në favor të vijimit të mandatit të Denar Bibës në krye të këtij institucioni.
Nga ana tjetër, 13 deputetë të opozitës kanë votuar kundër, ndërsa një deputet ka zgjedhur të abstenojë.
Votimi erdhi pas një diskutimi të gjatë në Kuvend, duke reflektuar ndarjet mes mazhorancës dhe opozitës për drejtimin e një prej institucioneve kyçe që mbikëqyr konkurrencën në treg.
