Logjika bazë e biznesit të kompanive ajrore “low cost” është minimizimi i kostove duke i ofruar pasagjerëve një biletë bazë me çmim të ulët me qëllim që të afrojnë të gjithë atë fashë të udhëtarëve që janë të ndjeshëm ndaj çmimit.
Pra, kompanitë ajrore “low cost” dallohen specifikisht nga çmimi shumë më i lirë i biletave krahasuar me kompanitë e tjera, ose siç quhen në gjuhën teknike “legacy”, ndërsa fitimet i sigurojnë duke i mbajtur avionët sa më plot dhe në pjesën më të madhe të kohës duke fluturuar.
Mirëpo, siç konstaton Skyweb.al gjatë vëzhgimit disa ditor të çmimit të biletave të kompanive low cost që fluturojnë nga Shqipëria, duket se situata është krejt e përmbysur.
Madje, për kompani të vetëquajtura “low cost” si Wizz Air rezulton se ofrojnë çmime më të shtrenjta biletash se kompanitë e tjera që nuk cilësohen low cost.
Skyëeb.al bëri një krahasim të biletave, për të njëjtën datë, moment të ditës, peshë bagazesh dhe zgjedhje vendi, për destinacione ku fluturojnë kompani të ndryshme nga Tirana duke dalë në konkluzione të papritura sa i përket kompanisë Wizz Air që pretendon se ofron çmime të lira.
Kështu, SkyWeb.al zgjodhi një nisje hipotetike më datë 3 maj dhe kthim më datë 6 maj nga disa destinacione për të parë se si qendrojnë kompanitë me njëra tjetrën dhe nëse qytetarët marrin vërtetë çmime “low cost” apo kjo ekziston vetëm në letra?
Le t’i marrim destinacionet me radhë sipas tabelës së mëposhtme të përgatitur nga Skyweb.al me të dhëna të nxjerra nga aplikacionet dhe faqet e kompanive përkatëse dhe vlerësimet bëjini vetë:
Skyweb.al ka ruajtur screen shot të gjitha rezultatet e kërkimeve në faqet respektive që janë pasqyruar në tabelë.
/skyweb.al
