Kur pësoni një dëm dhe paraqisni kërkesë për dëmshpërblim është e rëndësishme të dini çfarë afatesh ka siguruesi dhe çfarë të drejtash keni ju.
Këto afate rregullohen në nenin
30 ditë për dëmet ndaj pronës
Siguruesi përgjegjës duhet ta trajtojë kërkesën për dëme materiale brenda 30 ditëve kalendarike, pasi të jetë dorëzuar kërkesa së bashku me dokumentacionin e plotë.
90 ditë për dëmet ndaj personit
Kur bëhet fjalë për dëme ndaj personit, afati i trajtimit është 90 ditë kalendarike, me dokumentacionin e plotë.
Nëse dokumentet mungojnë, siguruesi duhet t’ju njoftojë brenda 8 ditëve kalendarike dhe t’ju kërkojë plotësimin e tyre.
Nëse kërkesa pranohet, duhet të njoftoheni për vlerën e dëmshpërblimit. Nëse kërkesa refuzohet, duhet të merrni njoftim me shkrim dhe arsyet ligjore të refuzimit.
Po nëse nuk jeni dakord?
Keni të drejtë të ankoheni pranë shoqërisë së sigurimit. Ajo duhet t’ju përgjigjet brenda 15 ditëve kalendarike nga paraqitja e ankimit.
Pas përfundimit të trajtimit dhe nënshkrimit të deklaratës së pranimit, pagesa e dëmshpërblimit duhet të kryhet brenda 14 ditëve kalendarike. Për vonesat, ligji parashikon edhe të drejtën për interes për çdo ditë vonesë.
Një tjetër detaj i rëndësishëm: pagesa kryhet në llogarinë bankare personale të të dëmtuarit ose përfituesit.
Kujdes, Sigurime.Online tërheq vëmendjen tuaj: mos nënshkruani deklaratën e pranimit pa u njohur me vlerën dhe kushtet e saj.
Pranimi formal i shumës së dëmshpërblimit, sipas përcaktimeve ligjore, shuan detyrimin e siguruesit për atë dëm.
Nëse siguruesi nuk përgjigjet brenda afatit, nëse nuk jeni dakord me shumën e ofruar ose me arsyet e refuzimit, ligji ju njeh të drejtën për të ndjekur çështjen në rrugë gjyqësore.
Po ashtu, Sigurime.Online ju sugjeron të shmangni ndërmjetësinë me të tretë. Duke qenë e qartë baza ligjore, përherë, më e dobishme për përfitimet tuaja do të jetë marrja e kontaktit direkt me kompaninë siguruese.
Informohuni, ruani dokumentet dhe njihni afatet. Të drejtat tuaja fillojnë me një kërkesë të plotë dhe të dokumentuar. /sigurime.online
