Dollari amerikan ka shënuar këtë të mërkurë një rikuperim të lehtë të vlerës, pas rënies së vazhdueshme të regjistruar gjatë ditëve të fundit. Megjithatë, monedha amerikane vijon të qëndrojë në nivele të dobëta përballë Lekut. Në tregun e brendshëm valutor, dollari blihet sot me 79.3 lekë dhe shitet me 80.3 lekë, duke shënuar një përmirësim krahasuar me një ditë më parë.
Ndërkohë, monedha europiane ka ruajtur një ecuri të qëndrueshme këtë mëngjes, pa regjistruar luhatje të konsiderueshme. Euro blihet sot me 92 lekë dhe shitet me 92.7 lekë, në të njëjtat nivele me ditën e martë.
Në rënie ka qenë edhe franga zvicerane, e cila ka shënuar një zbritje të kuotës gjatë mëngjesit të kësaj të mërkure. Sipas kursit të këmbimit në tregun vendas, franga blihet me 97.5 lekë dhe shitet me 98.7 lekë, duke u dobësuar krahasuar me një ditë më parë.
Edhe paundi britanik ka regjistruar një rënie të lehtë të vlerës. Monedha britanike blihet sot me 100 lekë dhe shitet me 108 lekë, duke shënuar një dobësim në raport me ditën e martë.
