Publikohen hartat e zonave kadastrale të çmimeve të referencës për shitblerjen e apartamenteve për 61 bashkitë në rang vendi.
Për herë të parë harta e çmimeve të referencës së apartamenteve sjell ndarjen e zonave urbane të qyteteve kryesore të vendit në disa zona kadastrale me çmime të ndryshme për shitblerjen, ndryshe nga metodologjia e miratuar në 2018, ku rrethet kishin vetëm një çmim referencë.
Diferencën e bënte vetëm kryeqyteti i cili ndahej në 32 zona kadastrale me çmime të ndryshme reference.
Për çmimet e referencës shiko tabelën në fund në link:
Tabela, çmimet e reja të referencës deri në 2 mijë euro/m²; trefishim për Durrës (Vollga) e Sazan
Ndryshimet e metodologjisë të publikuara për konsultim në projektvendimin e Ministrisë së Financave rrisin në mënyrë të ndjeshme çmimet në zonat bregdetare.
Në Durrës çmimi i referencës trefishohet referuar me çmimin aktual.
Çmimi maksimal për Durrësin propozohet 200 mijë lekë për metër katror në zonën ku po ndërtohet projekti i marinës së jahteve.
Edhe për ishullin e Sazanit propozohet çmimi prej 200 mijë lekë për metër katror.
Ndër çmimet më të larta në rang vendi, pas zonës së ish‑Bllokut dhe Piramidës dhe stadiumit Air Albania në Tiranë.
Ndërsa për zonat bregdetare të Sarandës e Vlorës propozohen çmime më të ulëta sesa Durrësi.
Zbardhen zonat më të shtrenjta në rrethe, kryeson Durrësi, nga Porti i Jahteve deri në Lalëz
Çmimet për disa nga zonat e reja kadastrale që shtohen në rrethe:
- Qendra urbane Elbasan
- Zona nr. 1 (“Rinia”, “Janaq Kinica”, “Zaranika”): 60 000 lekë/m²
- Zona nr. 2 (“Vasil Llapushi”, “Thoma Kalefi”, “Nos Josifi”): 50 300 lekë/m²
- Zona nr. 3 (“Abdulla Bej Tirana”): 50 300 lekë/m²
- Qendra urbane Fier
- Zona nr. 1 (“Loni Papuçiu”): 62 000 lekë/m²
- Zona nr. 2 (“Gori Sota”, “Çerçem Çela”): 57 162 lekë/m²
- Zona nr. 3 (“Skënderbeu”, “Bishanaka”): 57 162 lekë/m²
- Qendra urbane Lushnjë
- Zona nr. 1 (“Vath Koreshi”, “Misto Mane”, “Roza Haxhiu”, Bulevardi Kongresi i Lushnjës): 47 000 lekë/m²
- Zona nr. 2 (“Lushnjë–Ballagat”): 45 571 lekë/m²
- Zona nr. 3 (“Iazgush Poradeci”, “Koli Bozo”, “Vath Koreshi”, “Adem Haxhiu”): 49 000 lekë/m²
- Qendra urbane Pogradec
- Zona nr. 1 (nga stadiumi “Gjergji Kyçyku”, rruga e Vilave, rruga e Drilonit): 60 000 lekë/m²
- Zona nr. 2 (zona urbane mbi vijën liqenore): 50 000 lekë/m²
- Qendra Lezhë
- Zona nr. 1 (“Riviera” dhe “Fran Ivanaj”): 70 000 lekë/m²
- Zona nr. 2 (zona e Tales): 70 000 lekë/m²
- Zona nr. 3 (“Shtraus” dhe “Manaticë”): 63 000 lekë/m²
- Zona nr. 4 (“Varosh”): 56 000 lekë/m²
- Zona nr. 5 (“Çamëria”): 60 000 lekë/m²
- Qendra urbane Shkodër
- Zona nr. 1: 70 000 lekë/m²
- Zona nr. 2 (“Loro Boriçin”): 65 000 lekë/m²
- Zona nr. 3 (“Tepe”): 61 000 lekë/m²
