Bordi i Transparencës ka ulur çmimet tavan të karburanteve. Nga ora 12:00 e kësaj të marte, nafta mund të shitet me pakicë jo më shumë se 213 lekë për litër, ndërsa benzina jo më shumë se 193 lekë për litër.
Krahasuar me vendimin e 19 shtatorit, tavani i naftës ulet me 6 lekë për litër, nga 219 në 213 lekë. Benzina ulet me 2 lekë, nga 195 në 193 lekë për litër.
Për shitjen me shumicë, Bordi vendosi kufirin 201 lekë për litër për naftën dhe 181 lekë për litër për benzinën. Këto janë çmime maksimale; pikat e karburantit mund të shesin më lirë.
Vendimi i marrë më 22 shtator mbetet në fuqi deri në mbledhjen e ardhshme të Bordit. Operatorët janë të detyruar të respektojnë çmimet tavan, ndërsa për shkeljet e konstatuara parashikohet pezullimi i aktivitetit. /skyweb.al
