Apple ka lancuar version më të lirë të smartfonit, duke zgjeruar portofolin e produkteve në një kohë kur kompania mbështetet te suksesi i iPhone për të zbutur shqetësimet se mund të mbetet pas në garën e inteligjencës artificiale.
Modeli i ri, iPhone 17e, do të nisë nga çmimi 599 dollarë, rreth 200 dollarë më pak se iPhone 17. Pajisja ka të njëjtin procesor si modeli bazë, por vjen me ekran pak më të vogël, një kamerë të vetme në vend të dy kamerave dhe pa funksionin Dynamic Island për shfaqjen e njoftimeve nga aplikacionet. Telefoni do të dalë në treg më 11 mars.
Ndryshe nga modelet premium që përditësohen çdo vit, Apple zakonisht nuk prezanton çdo vit versione të reja të linjës më të lirë. Megjithatë, ky lançim vjen pas prezantimit të iPhone 16e vitin e kaluar, një ndryshim nga praktika e mëparshme e publikimeve sporadike të linjës buxhetore SE. Sipas analistëve, kjo mund të tregojë kërkesë në rritje për telefona më të përballueshëm, veçanërisht pas pritjes së vakët të modelit iPhone Air. /skywb.al
