Kompania prezanton një plan të ri me kontratë One 5Gen+ për të rinjtë 18–23 vjeç, një paketë për moshat 62+, më shumë internet për paketën bazë dhe tarifa më të ulëta për “Pay as you go”
One Albania vijon angazhimin e saj për të ofruar shërbime të komunikimit elektronik të përshtatura me nevojat e kategorive të ndryshme të shoqërisë, përmes planeve dhe paketave të reja që synojnë të lehtësojnë aksesin në komunikim dhe të krijojnë më shumë mundësi për përfshirje digjitale.
Kompania ka prezantuar një plan të ri me kontratë individuale për të rinjtë e grupmoshës 18–23 vjeç, si dhe një paketë të dedikuar për personat e moshës 62 vjeç e lart.
Këto iniciativa synojnë t’u përgjigjen nevojave të veçanta të këtyre grupmoshave, duke e bërë komunikimin më të aksesueshëm dhe duke forcuar rolin e teknologjisë në jetën tonë të përditshme.
Një plan dedikuar të rinjve për të mundësuar më lehtë dhe më lirë lidhjen me botën digjitale
Duke filluar nga data 23 tetor 2026, të rinjve të moshës 18–23 vjeç i është ofruar mundësia e zgjedhjes së një plani i ri One 5Gen+, me kontratë individuale, i konceptuar për të mbështetur nevojat e tyre për komunikim, informim, studim dhe argëtim në një botë gjithnjë e më të lidhur.
Plani ofron 35 GB internet, minuta kombëtare pa limit dhe SMS kombëtare pa limit. Zgjedhja mund të përfitohet me kontratë 12-mujore ose 24-mujore, duke u dhënë atyre mundësinë e alternativës më të përshtatshme. Lidhja e një kontrate 24-mujore vjen me një tarifë mujore më të favorshme, duke sjellë më shumë përfitime dhe vlerë për të rinjtë gjatë gjithë periudhës së kontratës.
Përmes kësaj oferte, One Albania synon të jetë pranë të kësaj grupmoshe në një etapë të rëndësishme të jetës së tyre, duke mbështetur nevojat për komunikim, zhvillim dhe përfshirje digjitale, me një plan që ndërthur përfitimet thelbësore të komunikimit dhe fleksibilitetin në zgjedhjen e kontratës.
Një nismë sociale për moshat 62+
Paralelisht, One Albania i kushton vëmendje të veçantë edhe grupmoshës 62 vjeç e lart, përmes një pakete të dedikuar me parapagesë, të konceptuar si pjesë e një qasjeje sociale që synon të mbështesë nevojat e kësaj kategorie për komunikim.
Me një çmim prej 900 lekësh dhe vlefshmëri 30 ditë, paketa përfshin 1 GB internet, 100 minuta kombëtare dhe 100 SMS kombëtare.Për shumë persona të moshës së tretë, komunikimi i lehtë dhe i vazhdueshëm me familjen, miqtë dhe komunitetin është thelbësor për mirëqenien, ndjenjën e përkatësisë dhe pavarësinë në jetën e përditshme.
Më shumë internet edhe në paketën bazë
Angazhimi i One Albania për përmirësimin e përvojës së klientëve reflektohet edhe në ndryshimet e bëra në paketën më ekonomike, me vlerë 600 lekë.
Në këtë paketë, vëllimi i internetit është rritur nga 50 MB në 500 MB, duke u ofruar përdoruesve dhjetë herë më shumë internet për të përmbushur nevojat bazë të komunikimit dhe përdorimit të shërbimeve digjitale.
Tarifa më të ulëta për përdorimin jashtë paketave
Pjesë e këtyre risive është edhe reduktimi i tarifave Pay as you go, të cilat aplikohen për përdorimin e shërbimeve jashtë përfshirjeve të paketës aktive.
Ky ndryshim synon të përmirësojë kushtet e përdorimit të shërbimeve edhe për klientët që kanë nevojë të komunikojnë përtej minutave, SMS-ve apo internetit të përfshirë në paketën e tyre, duke kontribuar në një përvojë më të përballueshme dhe më të përshtatur me nevojat individuale.
Teknologjia duhet të jetë një mundësi për të gjithë, pavarësisht moshës, dhe lidhja me njerëzit e dashur, informimi dhe pjesëmarrja në jetën shoqërore mbeten po aq të rëndësishme në çdo etapë të jetës.
Duke gjetur mundësi për të mbështetur segmente të ndryshme të konsumatorëve të saj, One Albania synon të ndërtojë më shumë oportunitete për lidhje, përfshirje dhe afërsi mes njerëzve.
