Kryeministri dhe njëkohësisht kryetari i Partisë Socialiste, Edi Rama mblodhi këtë të premte Grupin Parlamentar të PS-së te Pallati i Brigadave.
Rama u shpreh se Shqipëria ka përmbushur kriteret e Bashkimit Europian në vetëm dy vite. Ai theksoi se sfida më e madhe për integrimin mbetet sektori i prodhimit ushqimor, veçanërisht për produktet e sigurta dhe të besueshme.
“Beteja kryesore është për sektorin e prodhimit ushqimor, për prodhuesit në fshat, për sipërmarrjen që përpunon prodhimet ushqimore. Ne sot jemi të paintegrueshëm në BE, për shkak të nivelit jo të duhur të besueshmërisë së produkteve ushqimore. Përgatitjet duhet të nisin tani, në vazhdën e arritjeve që kemi pasur. Kini parasysh që kur morëm detyrën, rrugët e vendit ishin ushqimore dhe thertore”, tha Rama. /skyweb.al
