Aktin përcakton kushtet, kriteret, afatet dhe procedurat që duhet të ndjekin subjektet për t’u pajisur me kategori zyrtare, duke përfshirë elementë që lidhen me shërbimet, infrastrukturën, sigurinë, menaxhimin dhe standardet minimale të funksionimit.
Sipas rregullores, procesi i kategorizimit zhvillohet në disa etapa, që nisin me paraqitjen e kërkesës nga subjekti, vijojnë me verifikimin administrativ dhe kontrollin në terren, dhe përfundojnë me vendimmarrjen për dhënien e kategorisë përkatëse.
Një nga risitë kryesore është përcaktimi i afateve të qarta për shqyrtimin e aplikimeve, si dhe detyrimet që strukturat akomoduese duhet të respektojnë pas pajisjes me kategori, me qëllim rritjen e transparencës dhe uljen e informalitetit në treg.
Ministria e Turizmit thekson se kategorizimi shërben edhe si garanci për konsumatorët, duke u ofruar atyre informacion të saktë mbi nivelin e shërbimit dhe kushtet që ofron çdo strukturë.
Zbatimi i kësaj rregulloreje pritet të ndikojë në përmirësimin e cilësisë së ofertës turistike, forcimin e konkurrencës së ndershme dhe rritjen e besueshmërisë së Shqipërisë si destinacion turistik.
Rregullorja do të zbatohet për të gjitha strukturat akomoduese që ushtrojnë aktivitet në territorin e Republikës së Shqipërisë, në kuadër të përafrimit të standardeve kombëtare me praktikat evropiane në fushën e turizmit.
