Gjatë këtij viti, në mbarë vendin janë konfirmuar 18 raste të fruthit, sipas të dhënave të Institutit të Shëndetit Publik. Rasti më i fundit i përket një fëmije 3-vjeçar, i lindur në Angli, i cili nuk kishte kryer vaksinimin.
Për të parandaluar komplikacionet dhe përhapjen e sëmundjes, ISHP u bën thirrje prindërve të sigurojnë marrjen e dozave përkatëse të vaksinës. Aktualisht, në Shqipëri mbulesa vaksinale me dy doza te fëmijët është mbi 92%, ndërsa objektivi i ISHP-së është arritja e një niveli mbi 95%, për të frenuar në mënyrë efektive qarkullimin e fruthit. /skyweb.al
