Qumështi është një nga produktet e bulmetit më të përdorura, por momenti kur konsumohet luan rol të rëndësishëm në mënyrën se si trupi përfiton nga vlerat e tij ushqyese.
Proteinat
Nëse synoni të merrni më shumë proteina që në fillim të ditës, qumështi është ideal për t’u pirë në mëngjes. Ai nuk ofron vetëm proteina, por edhe magnez, fosfor dhe vitamina të rëndësishme për organizmin.
Aktiviteti fizik
Për ata që ushtrohen në orët e mëngjesit, pirja e qumështit gjatë këtij vakti ndihmon në furnizimin e trupit me proteina dhe kalcium, të domosdoshme për forcimin e kockave dhe muskujve.
Ngopja
Nëse dëshironi të ndiheni të ngopur për më shumë kohë, mëngjesi është koha më e përshtatshme për konsumimin e qumështit. Megjithatë, nëse ju shkakton fryrje, është më mirë ta pini në mbrëmje.
Pagjumësia
Personat që vuajnë nga pagjumësia mund të përfitojnë nga një gotë qumësht i ngrohtë në mbrëmje, pasi ndihmon në qetësimin e trupit dhe përmirëson cilësinë e gjumit.
Lodhja dhe çlodhja
Kur ndiheni të lodhur, qumështi i pirë në mbrëmje mund të ndihmojë, pasi përmban aminoacide që nxisin prodhimin e serotoninës, hormonit të qetësisë dhe mirëqenies.
Tretja
Për një tretje më të lehtë, rekomandohet qumështi i ngrohtë dhe jo i ftohtë.
Është e rëndësishme të mos e teproni me konsumimin e qumështit. Sasia e rekomanduar ditore është rreth 150–200 ml, pasi konsumi i tepërt mund të ketë efekte negative në shëndet.
