Dollari amerikan ka dhënë shenja rikuperimi, duke i dhënë fund trendit rënës që e shoqëroi gjatë gjithë javës. Monedha amerikane e mbylli periudhën në territor pozitiv, pasi këtë mëngjes ka shënuar rritje të vlerës, duke u blerë me 80.6 lekë dhe u shitur me 81.8 lekë, në krahasim me ditën e djeshme.
Ndërkohë, euro ka vijuar të mbetet e qëndrueshme, ashtu si edhe fundjavën e kaluar, pa regjistruar luhatje të ndjeshme. Monedha europiane është blerë sot me 96.4 lekë dhe është shitur me 97.1 lekë, sipas kursit të këmbimit në tregun vendas.
Franga zvicerane ka shënuar rritje gjatë mëngjesit të sotëm, duke e mbyllur javën në rritje. Ajo është këmbyer me 104.9 lekë në blerje dhe 106 lekë në shitje, në krahasim me një ditë më parë.
Nga ana tjetër, paundi britanik ka ruajtur kuota relativisht konstante që prej ditës së enjte, pa lëvizje të ndjeshme të vlerës. Sot ai është blerë me 110.9 lekë dhe është shitur me 112 lekë, sipas tregut të brendshëm valutor. /skyweb.al
