Kushdo që ka udhëtuar ose jetuar jashtë vendit, sidomos dekadën e fundit, është përballur me një dilemë që shfaqet në çdo blerje: të paguajë në monedhën vendase apo në një valutë ndërkombëtare si dollari apo euro.
Edhe pse për disa kjo zgjedhje mund të duket e thjeshtë dhe e qartë, shumë turistë ende gabojnë. Ka raste kur duhet të ndalojmë miqtë apo familjarët që të mos bëjnë zgjedhjen e gabuar. Megjithëse mund të duket si një detaj i parëndësishëm, në shumicën dërrmuese të rasteve, gjithmonë është më mirë të paguash në monedhën vendase.
Ja çfarë ndodh kur përdorni kartën tuaj bankare dhe çfarë mund të bëni për të kursyer ato ‘qindarka’ dhe për të shmangur komisionet që shoqërojnë argëtimin e udhëtimit jashtë vendit.
Si funksionon
Përfitimi i vetëm kur paguani në monedhën vendase është që e dini saktësisht se sa do të paguani. Kjo mund të duket si avantazh, derisa të kuptoni se kompania e përpunimit të kartave të kreditit po ju ngarkon një tarifë shtesë për këtë shërbim. Sa herë që zgjidhni të paguani në monedhën vendase, jo në atë të vendit ku ndodheni, një tarifë konvertimi shtohet nga përpunuesi i pagesës (jo nga vetë dyqani).
Kjo tarifë zakonisht është me një kurs më të pafavorshëm se ai i tregut. Në fakt, shpesh është më e lartë se çfarë do të ngarkonte vetë banka nëse do të bënte vetë konvertimin. Dhe nëse karta juaj tashmë ofron transaksione ndërkombëtare pa tarifa shtesë, atëherë kjo tarifë konvertimi bëhet plotësisht e panevojshme.
Si të shmangni tarifat e transaksioneve të huaja
Përveç pagesave me para në dorë, mund të shmangni tarifat shtesë për shpenzimet jashtë vendit, duke përdorur karta që nuk zbatojnë tarifa për transaksionet ndërkombëtare. Kërkoni karta krediti ose debiti që ofrojnë këtë përfitim si pjesë e paketës së tyre, shpesh së bashku me avantazhe të tjera si milje udhëtimi apo bonuse të tjera.
Nëse udhëtoni shpesh dhe shpenzoni jashtë vendit, kartat që ofrojnë shpërblime dhe përfitime si hyrja në lounge e aeroportit apo shërbime përparësie në kufi janë shumë të vlefshme. Nga ana tjetër, nëse udhëtoni rrallë, ka edhe karta pa tarifë vjetore, që ofrojnë kthim parash dhe shmangin tarifat ndërkombëtare. Zgjedhja më e mirë varet nga mënyra se si udhëtoni dhe çfarë përfitimesh vlerësoni më shumë.
Si të shmangni tarifat e bankomateve
Nëse ju nevojiten para në dorë gjatë udhëtimit, disa banka ofrojnë rimbursim të tarifave globale të bankomateve ose kanë marrëveshje me banka partnere në destinacionin tuaj. Megjithatë, zakonisht, nëse nuk keni marrë para në dorë para udhëtimit, do t’ju duhet të paguani një tarifë për tërheqje.
Kjo nuk duhet të jetë domosdoshmërisht e kushtueshme. Shmangni gjithmonë bankomatet e kompanive të pavarura – ato që gjenden zakonisht në zona turistike dhe që zbatojnë tarifa shumë të larta – dhe përdorni bankomate që janë në pronësi të një banke. Jo çdo bankomat do të funksionojë me kartën tuaj, kështu që mund t’ju duhet të provoni disa derisa të gjeni një që pranon kartën. / Lonely Planet-shqip.al
